काठमाडौं । गृहमन्त्री सुधन गुरुङले नेपालीहरूले अवैध रूपमा आर्जन गरेको रकम स्वीस बैंकहरूमा राखिएको छ वा छैन भन्ने विषयमा अनुसन्धानका लागि सहयोग गर्न स्विट्जरल्यान्डसँग आग्रह गरेका छन् ।
नेपालस्थित स्विट्जरल्यान्डकी राजदूतसँग भएको शिष्टाचार भेटका क्रममा उनले यस्तो अनुरोध गरेको गृहमन्त्रीको सचिवालयले जनाएको हो । सो भेटलाई नेपालस्थित स्वीस दूतावासले पनि पुष्टि गरेको छ ।
दूतावासका अनुसार राजदूत डानियल मेउलीले बुधबार गृहमन्त्री गुरुङसँग भेटवार्ता गरेका थिए । भेटका क्रममा नेपाल–स्विट्जरल्यान्ड कूटनीतिक सम्बन्धको ७०औँ वर्षगाँठ मनाउने विषय मुख्य रूपमा उठाइएको थियो ।
त्यसैगरी, विकास सहयोग, विपद् व्यवस्थापन तथा सुशासनका विषयमा समेत दुवै पक्षबीच छलफल भएको दूतावासले जानकारी दिएको छ ।
