सुनको मूल्य घट्दा चाँदी महँगियो, आजको दर कति ?

काठमाडौं । नेपाली बजारमा आज (जेठ ८ गते) सुनको मूल्य सामान्य घटेको छ भने चाँदीको मूल्य बढेको छ । नेपाल सुनचाँदी व्यवसायी महासंघले सार्वजनिक गरेको नयाँ दरअनुसार सुनको भाउ प्रतितोला १ सय रुपैयाँले ओरालो लागेको हो ।

आज छापावाल सुन प्रतितोला २ लाख ९३ हजार ७ सय रुपैयाँमा कारोबार भइरहेको महासंघले जनाएको छ । अघिल्लो दिन अर्थात् बिहीबार सुनको मूल्य प्रतितोला २ लाख ९३ हजार ८ सय रुपैयाँ कायम रहेको थियो ।

यता चाँदीको मूल्य भने उकालो लागेको छ । आज चाँदी प्रतितोला ६५ रुपैयाँले बढेर ५ हजार ११५ रुपैयाँ पुगेको छ । बिहीबार चाँदी प्रतितोला ५ हजार ५० रुपैयाँमा कारोबार भएको थियो ।