काठमाडौं । नेपाली बजारमा आइतबार सुनचाँदीको मूल्यमा गिरावट आएको छ । आज सुनको मूल्य प्रतितोला ४ हजार ५ सय रुपैयाँले घटेको हो ।
नेपाल सुनचाँदी व्यवसायी महासंघका अनुसार आज मूल्य घटेसँगै छापावाल सुनको कारोबार प्रतितोला २ लाख ९४ हजार रुपैयाँमा भइरहेको छ । अघिल्लो कारोबार दिन शुक्रबार सुन प्रतितोला २ लाख ९८ हजार ५ सय रुपैयाँ पुगेको थियो ।
त्यस्तै, चाँदीको मूल्य पनि ओरालो लागेको छ । आइतबार चाँदी प्रतितोला ३३० रुपैयाँले घटेर ५ हजार ६० रुपैयाँमा कारोबार भइरहेको महासंघले जनाएको छ । शुक्रबार चाँदीको मूल्य प्रतितोला ५ हजार ३ सय ९० रुपैयाँ कायम भएको थियो ।
