काठमाडौं । नेपाली बजारमा बुधबार सुनको मूल्य घट्दा चाँदीको बढेको छ । आज सुनको मूल्य प्रतितोला ७०० रुपैयाँले घटेको हो ।
नेपाल सुनचाँदी व्यवसायी महासंघका अनुसार आज छापावाल सुन प्रतितोला ३ लाख २ हजार २०० रुपैयाँ कायम भएको छ । अघिल्लो कारोबार दिन मंगलबार सुन प्रतितोला ३ लाख २ हजार ९०० रुपैयाँमा किनबेच भएको थियो ।
त्यस्तै, चाँदीको मूल्य भने उकालो लागेको छ । बुधबार चाँदी प्रतितोला १५ रुपैयाँले बढेर ५ हजार ७१० रुपैयाँ पुगेको महासंघले जनाएको छ । मंगलबार चाँदीको मूल्य प्रतितोला ५ हजार ६९५ रुपैयाँ थियो ।
अन्तर्राष्ट्रिय बजारको मूल्यका आधारमा नेपालमा सुनचाँदीको भाउ निर्धारण हुँदै आएको छ । बुधबार अन्तर्राष्ट्रिय बजारमा सुन प्रतिऔंस ४ हजार ७००.०२ अमेरिकी डलर र चाँदी प्रतिऔंस ८६.३९ अमेरिकी डलरमा कारोबार भइरहेको छ ।
