काठमाडौं । मन्त्रिपरिषद्ले २०६२/०६३ पछिको सम्पत्ति विवरण छानबिन गर्न आयोग गठन गर्ने निर्णय गरेको छ । बुधबार बसेको मन्त्रिपरिषद् बैठकले उक्त निर्णय गर्दै पाँच सदस्यीय छानबिन आयोग बनाएको हो ।
आयोगको संयोजकमा सर्वोच्च अदालतका पूर्वन्यायाधीश राजेन्द्रकुमार भण्डारी नियुक्त भएका छन् । सदस्यहरूमा पूर्वन्यायाधीश पुरुषोत्तम पराजुली, चण्डिराज ढकाल, पूर्वप्रहरी नायव महानिरीक्षक गणेश केसी तथा चार्टर्ड एकाउन्टेन्ट प्रकाश लम्साल रहेका छन् ।
सरकारले आयोगमार्फत निर्दिष्ट अवधिको सम्पत्ति विवरणको छानबिन गरी आवश्यक प्रतिवेदन पेश गर्ने अपेक्षा गरेको छ ।
