काठमाडौं । नेपाली कांग्रेसको केन्द्रीय कार्यसम्पादन समितिको बैठक आज अपराह्न बस्ने भएको छ । पार्टीको १५औँ महाधिवेशनको तयारी तथा त्यससँग सम्बन्धित विषयमा बैठकमा छलफल हुने जनाइएको हो ।
पार्टी केन्द्रीय कार्यालयमा बस्ने बैठकमा महाधिवेशनका विषयमा आवश्यक छलफल र निर्णय गरिने कांग्रेसका कार्यवाहक मुख्यसचिव कृष्णप्रसाद दुलालले जानकारी दिए ।
बैठकमा केन्द्रीय कार्यसम्पादन समितिका पदाधिकारी तथा सदस्यसँगै सबै प्रदेश सभापतिलाई अनिवार्य उपस्थितिका लागि आग्रह गरिएको छ ।
