काठमाडौं । नेपाल स्टक एक्सचेन्ज (नेप्से) परिसूचक मंगलबार सामान्य अंकले उकालो लागेको छ । साताको दोस्रो कारोबार दिन नेप्से परिसूचक ७ दशमलव २५ अंकले बढेर दुई हजार ७२६ दशमलव ४९ बिन्दुमा कायम भएको हो ।
आज १ करोड ४९ लाख २४ हजार ३०२ कित्ता शेयर किनबेच हुँदा कुल ६ अर्ब ६७ करोड १० लाख रुपैयाँ बराबरको कारोबार भएको छ । यो रकम अघिल्लो कारोबार दिन सोमबारको ५ अर्ब ५१ करोड २६ लाख रुपैयाँको तुलनामा उल्लेख्य रूपमा बढी हो ।
कारोबारमा आएका ३४३ धितोपत्रमध्ये १०३ कम्पनीको शेयर मूल्य बढेको, १६२ कम्पनीको घटेको तथा १२ कम्पनीको शेयर मूल्य स्थिर रह्यो ।
मंगलबार उत्पादन तथा प्रशोधन शून्य दशमलव ६४, लगानी शून्य दशमलव ४९ र बैंकिङ समूहको उपसूचक शून्य दशमलव ०९ प्रतिशतले बढेको छ ।
यसैगरी म्युचुअल फण्ड शून्य दशमलव ७१, फाइनान्स शून्य दशमलव ६२, होटेल तथा पर्यटन शून्य दशमलव २३, जीवन बीमा शून्य दशमलव १७, निर्जीवन बीमा शून्य दशमलव १४, हाइड्रोपावर शून्य दशमलव ०५, बैंकिङ शून्य दशमलव ४ र माइक्रोफाइनान्स समूहको उपसूचक शून्य दशमलव ०२ प्रतिशतले घटेको छ ।
आज एभरेष्ट कलर १४ दशमलव ९८, कालंगा हाइड्रो ७ दशमलव ५, बोटलर्स नेपाल (बालाजु) ७ शदमलव ४२, सानिगड हाइड्रो ६ दशमलव ५६ र स्नो रिभर्सको शेयर मूल्य ६ दशमलव ०२ प्रतिशतले बढेको छ ।
यसदिन एनआईबीएल ग्रोथ फण्ड ७ दशमलव ३, कर्पोरेट डेभलवमेन्ट बैंक ६ दशमलव ५४, भुजुंग हाइड्रोपावर ४ दशमलव ५८ र चिर्खा हाइड्रोपावरको शेयर मूल्य ४ दशमलव ४४ प्रतिशतले घटेको छ ।
