काठमाडौं । नेपाली बजारमा आज सुन तथा चाँदी दुवैको मूल्य वृद्धि भएको छ । आज सुनको मूल्य प्रतितोला १२ सय रुपैयाँले बढेको हो ।नेपाल सुनचाँदी व्यवसायी महासंघका अनुसार आज छापावाल सुनको कारोबार मूल्य प्रतितोला २ लाख ९३ हजार २ सय रुपैयाँ निर्धारण गरिएको छ । अघिल्लो कारोबार दिन शुक्रबार सुन प्रतितोला २ लाख ९२ हजार रुपैयाँमा किनबेच भएको थियो ।
यस्तै, चाँदीको मूल्यमा पनि वृद्धि देखिएको छ । महासंघका अनुसार चाँदी प्रतितोला ५५ रुपैयाँले बढेर ४ हजार ८ सय ९५ रुपैयाँ पुगेको छ । शुक्रबार चाँदीको कारोबार मूल्य प्रतितोला ४ हजार ८ सय ४० रुपैयाँ कायम रहेको थियो ।
अन्तर्राष्ट्रिय बजारमा बहुमूल्य धातुको मूल्यमा आएको परिवर्तनको प्रभाव नेपाली बजारमा समेत परेको व्यवसायीहरूको भनाइ छ। सुन र चाँदीको मूल्य दैनिक रूपमा अन्तर्राष्ट्रिय बजारको अवस्थाअनुसार निर्धारण हुँदै आएको छ।
