काठमाडौं । लगातार घट्दो क्रममा रहेको सुन–चाँदीको मूल्य आज अचानक बढेको छ । नेपाल सुन–चाँदी व्यवसायी महासंघका अनुसार जेठ २९ गते सुनको भाउमा ठूलो वृद्धि आएको हो ।
आज सुन प्रतितोला ५ हजार ३ सय रुपैयाँले बढेर २ लाख ९२ हजार रुपैयाँ पुगेको छ । हिजो सुनको मूल्य प्रतितोला २ लाख ८६ हजार ७ सय रुपैयाँमा कारोबार भएको थियो ।
त्यस्तै, चाँदीको मूल्य पनि आज बढेको छ । आज चाँदी प्रतितोला १९० रुपैयाँले बढेर ४८ सय ४० रुपैयाँ कायम भएको छ । हिजो चाँदी प्रतितोला ४६ सय ५० रुपैयाँमा कारोबार भएको थियो ।
विशेषज्ञहरूले सुन–चाँदीको मूल्यमा आएको वृद्धिलाई बजारको माग–आपूर्ति र अन्तर्राष्ट्रिय बजारका कारकहरूसँग जोडेर हेर्न सुझाव दिएका छन् ।
