काठमाडौं । नेपाली बजारमा साताको दोस्रो कारोबार दिन सोमबार सुनको मूल्यमा सामान्य वृद्धि भएको छ भने चाँदीको भाउ घटेको छ । आज सुनको मूल्य प्रतितोला ८ सय रुपैयाँले बढेको हो ।
नेपाल सुनचाँदी व्यवसायी महासंघका अनुसार आज छापावाल २ लाख ९४ हजार ८ सय रुपैयाँ पुगेको छ । आइतबार सुन प्रतितोला २ लाख ९४ हजार रुपैयाँमा किनबेच भएको थियो ।
यता चाँदीको मूल्य भने ओरालो लागेको छ । महासंघका अनुसार आज चाँदी प्रतितोला २० रुपैयाँले घट्दै ५ हजार ४० रुपैयाँमा कारोबार भइरहेको छ । यसअघि शुक्रबार चाँदीको मूल्य प्रतितोला ५ हजार ६० रुपैयाँ कायम रहेको थियो ।
