अब संसद्मा विद्युतीय हाजिरी, बायोमेट्रिक विवरण संकलन सुरु

काठमाडौं । संसद् बैठकमा अब विद्युतीय हाजिरी प्रणाली लागू हुने भएको छ । प्रणाली कार्यान्वयनको तयारीस्वरूप सांसदहरूको बायोमेट्रिक विवरण संकलन सुरु गरिएको संघीय संसद् सचिवालयले जनाएको हो । यसका लागि सबै सांसदलाई उपस्थित हुन सचिवालयले सूचना जारी गरेको थियो ।

बायोमेट्रिक विवरण संकलनसँगै सांसदहरूको औपचारिक तस्बिर पनि खिचिने कार्यक्रम रहेको छ । तस्बिर खिच्ने क्रममा सांसदहरूलाई औपचारिक पोशाकमा संघीय संसद्को लोगो लगाएर उपस्थित हुन अनुरोध गरिएको सचिवालयले जनाएको छ ।