सभामुख अर्यालको सिफारिसमा प्रतिनिधिसभाका सचिव राईलाई हटाइयो

काठमाडौं । प्रतिनिधिसभाका सचिव हर्कराज राई पदमुक्त भएका छन् । सभामुख डोलप्रसाद अर्यालको सिफारिसपछि राष्ट्रपति रामचन्द्र पौडेलले उनलाई पदमुक्त गरेका हुन् ।

यसअघि सभामुखले राईसँग स्पष्टीकरण माग गरेका थिए । आवश्यक प्रक्रिया पूरा भएपछि उनलाई जिम्मेवारीबाट हटाइएको बताइएको छ ।

राईलाई पूर्वसभामुख देवराज घिमिरेले प्रतिनिधिसभाका सचिवमा नियुक्त गरेका थिए ।