काठमाडौं । नेपाली बजारमा बुधबार सुनको मूल्यमा उल्लेख्य वृद्धि देखिएको छ । आज सुनको मूल्य प्रतितोला पाँच हजार आठ सय रुपैयाँले बढेको हो ।
नेपाल सुनचाँदी व्यवसायी महासंघका अनुसार आज छापावाल सुनको मूल्य प्रतितोला दुई लाख ९६ हजार आठ सय रुपैयाँ कायम भएको छ । यसअघि मंगलबार छापावाल सुन प्रतितोला दुई लाख ९१ हजार रुपैयाँमा कारोबार भएको थियो ।
यता, चाँदीको मूल्यमा भने सामान्य वृद्धि देखिएको छ । मंगलबार प्रतितोला चार हजार आठ सय ८० रुपैयाँमा कारोबार भएको चाँदी बुधबार बढेर पाँच हजार ५५ रुपैयाँ पुगेको महासंघले जनाएको छ ।
