काठमाडौं । नेकपा (एमाले) का अध्यक्ष एवं पूर्वप्रधानमन्त्री केपी शर्मा ओली र तत्कालीन गृहमन्त्री तथा नेपाली कांग्रेसका नेता रमेश लेखकलाई बिहीबार (चैत २६) बिहान परिवारको जिम्मामा रिहा गरिएको छ ।
जिल्ला प्रहरी परिसर काठमाडौंका एसपी पवन भट्टराईका अनुसार ओलीलाई काठमाडौंको महाराजगन्जस्थित त्रिवि शिक्षण अस्पतालबाटै परिवारको जिम्मा लगाइएको छ भने लेखकलाई महाराजगन्जस्थित नेपाल प्रहरीको दुई नम्बर गणबाट जिम्मा दिइएको हो ।
एसपी भट्टराईले भने, ‘आवश्यक अनुसन्धानको लागि उनीहरू आवश्यक परे उपस्थित हुने सर्तमा परिवारको जिम्मा लगाइएको हो ।’
ओली र लेखकलाई यही चैत १४ गते भक्तपुरस्थित उनीहरूको निवासबाट प्रहरीले नियन्त्रणमा लिएको थियो । उनीहरूविरुद्ध पूर्वन्यायाधीश गौरीबहादुर कार्की नेतृत्वको जाँचबुझ आयोगको प्रतिवेदनका आधारमा अनुसन्धान अघि बढाइएको थियो ।
