काठमाडौं । प्रधानमन्त्री तथा मन्त्रिपरिषद्को कार्यालयले तीनै तहका सरकारद्वारा निजी सञ्चार माध्यममा गरिने सूचना प्रकाशन–प्रसारणमा प्रतिबन्ध लगाएको छ ।
यस सम्बन्धमा मन्त्रालय, आयोग, सातै प्रदेशका मुख्यमन्त्री कार्यालय तथा देशभरका स्थानीय तहहरूलाई बुधबार पत्राचार गरेर निर्णयको जानकारी दिइएको छ ।
पत्रमा उल्लेख भएअनुसार मितव्ययिता सुनिश्चित गर्न, विज्ञापन तथा सूचना प्रकाशन÷प्रसारणमा पारदर्शिता ल्याउन र सरकारी सञ्चारमाध्यमको प्रवद्र्धन गर्न यो कदम चालिएको हो ।
