सुर्खेत । कर्णाली प्रदेश सभाको हिउँदे अधिवेशन अन्त्य गरिने भएको छ।
आइतबार बिहान बसेको मन्त्रिपरिषद् बैठकले प्रदेश सभाको दोस्रो कार्यकालअन्तर्गत सञ्चालन भइरहेको सातौँ अधिवेशन आज राति १२ बजेदेखि अन्त्य गर्न प्रदेश प्रमुखसमक्ष सिफारिस गर्ने निर्णय गरेको हो।
प्रदेश सरकारका प्रवक्ता विनोदकुमार शाहका अनुसार उक्त सिफारिसअनुसार अधिवेशन आज मध्यरातबाट औपचारिक रूपमा समाप्त हुने छ।
