नेपाली कांग्रेसका पूर्वसभापति शेरबहादुर देउवाले आफ्नो निवासमा रकम भेटिएको भनिएको विषयलाई लिएर स्पष्टिकरण दिएका छन्। उनले उक्त रकमसम्बन्धी विवरण सामाजिक सञ्जालमा फैलिएको जस्तो वास्तविक नभई ‘एआई जेनेरेटेड’ हुन सक्ने दाबी गरेका हुन्।
कार्की आयोगसमक्ष दिएको बयानमा देउवाले प्रहरीद्वारा तयार गरिएको मुचुल्कामा आफ्नो घरमा केही रकम भेटिएको उल्लेख भए पनि त्यसलाई अतिरञ्जित गरिएको संकेत गरेका छन्। जनआस्थाबाट सौजन्य प्राप्त प्रतिवेदनमा उनले सो रकम ठूलो परिमाणको नभएको पनि प्रस्ट पारेका छन्।
देउवाका अनुसार सामाजिक सञ्जालमा सार्वजनिक भएका विवरणहरू वास्तविक घटनासँग मेल नखाने खालका छन् र ती कृत्रिम रूपमा सिर्जना गरिएका हुन सक्ने आशंका व्यक्त गरेका छन्। साथै, यस विषयमा आफूले कुनै पनि प्रहरी कार्यालयमा छुट्टै उजुरी नदिएको समेत उनले बताएका छन्।
काठमाडौं । बुधबार शेयर बजारमा गिरावट देखिएको छ । नेपाल स्टक एक्सचेन्ज (नेप्से) परिसूचक २४ दशमलव ४५ अंकले घट्दै २ हजार ९३५ दशमलव ९४ बिन्दुमा झरेको हो ।
यसदिन ३ करोड ५८ लाख १९ हजार ८२९ कित्ता शेयर किनबेच हुँदा १५ अर्ब ९ करोड ४ लाख रुपैयाँ बराबरको कारोबार भएको छ । अघिल्लो दिन मंगलबारको तुलनामा कारोबार रकम भने केही बढेको देखिन्छ । हिजो १४ अर्ब ८३ करोड ९१ लाख रुपैयाँ बराबरको कारोबार भएको थियो ।
बजारमा आज कुल ३४५ धितोपत्र कारोबारमा आएका छन् । जसमध्ये ४५ कम्पनीको शेयर मूल्य बढ्दा २१३ कम्पनीको घटेको छ भने ७ कम्पनीको मूल्य स्थिर रहेको छ ।
बुधबार १३ समूहको उपसूचकमध्ये ११ को घटेको छ भने २ उपसूचक बढेको छ ।
आज व्यापार ३ दशमलव ४५ र उत्पादन तथा प्रशोधन समूहको उपसूचक शून्य दशमलव ४८ प्रतिशतले बढेको छ ।
यस्तै विकास बैंक २ दशमलव ३२, फाइनान्स २ दशमलव ०९, माइक्रोफाइनान्स १ दशमलव ६४, जीवन बीमा १ दशमलव ३९, निर्जीवन बीमा १ दशमलव १५, अन्य १ दशमलव ७, बैंकिङ १ दशमलव ४, लगानी शून्य दशमलव ५३, म्युचुअल फण्ड शून्य दशमलव ३४, हाइड्रोपावर शून्य दशमलव १६ र होटेल तथा पर्यटन समूहको उपसूचक शून्य दशमलव ५ प्रतिशतले घटेको छ ।
आज ५ कम्पनीको शेयर मूल्यमा सकारात्मक सर्किट लागेको छ । सर्किट लाग्नेमा सुपर खुदी हाइड्रोपावर, सोलु हाइड्रोपावर, रिलाइन्स स्पीनिङ मिल्स, होटल फरेष्ट इन र भुजुङ्ग हाइड्रोपावर रहेका छन् । को शेयर मूल्य ९ दशमलव ९८ प्रतिशतले बढेको छ ।
यसदिन अभियान लघुवित्त ७ दशमलव ७४, साल्पा विकास बैंक ६ दशमलव ९९, कर्पोरेट डेभलपमेन्ट बैंक ६ शदमलव ७१, सिन्धु विकास बैंक ६ दशमलव ०९ र माहुली लघुवित्तको शेयर मूल्य ६ दशमलव ०२ प्रतिशतले ह्रास आएको छ ।
काठमाडौं । पछिल्ला केही दिनदेखि निरन्तर ओरालो लागिरहेको सुनको मूल्य बुधबार (चैत ११) एक्कासि उकालो लागेको छ ।
नेपाल सुनचाँदी व्यवसायी महासंघका अनुसार आज सुनको भाउ प्रतितोला १४ हजार ६०० रुपैयाँले बढेको हो ।
यससँगै सुनको मूल्य तोलामा २ लाख ८८ हजार ५०० रुपैयाँ कायम भएको छ । अघिल्लो दिन भने सुन प्रतितोला २ लाख ७३ हजार ९०० रुपैयाँमा किनबेच भएको थियो ।
यसैगरी, चाँदीको मूल्य पनि बढेको छ । आज चाँदी प्रतितोला ४१५ रुपैयाँले बढेर ४ हजार ९२० रुपैयाँ पुगेको छ । हिजो चाँदी प्रतितोला ४ हजार ५०५ रुपैयाँमा कारोबार भएको थियो ।
काठमाडौं । राष्ट्रपति रामचन्द्र पौडेलले आज (बुधबार) प्रतिनिधिसभाका ज्येष्ठ सदस्य अर्जुननरसिंह केसीलाई पद तथा गोपनीयताको शपथ गराउने कार्यक्रम तय गरिएको छ ।
राष्ट्रपति कार्यालय शीतल निवासमा बिहान ११ः१५ बजे शपथ ग्रहण हुने तय गरिएको हो । हालै सम्पन्न प्रतिनिधिसभा सदस्य निर्वाचनबाट निर्वाचित सदस्यहरूमध्ये केसी उमेरका आधारमा ज्येष्ठ सदस्यका रूपमा चयन भएका हुन् ।
यसपटकको प्रतिनिधिसभा निर्वाचनमा प्रत्यक्ष प्रणालीतर्फ १६५ जना र समानुपातिक प्रणालीतर्फ ११० जना गरी कुल २७५ जना सांसद निर्वाचित भएका छन् । नेपाली काँग्रेसका नेता केसी समानुपातिक प्रणालीमार्फत प्रतिनिधिसभामा पुगेका हुन् ।
ज्येष्ठ सदस्यको हैसियतमा केसीले यही चैत १२ गते प्रतिनिधिसभामा निर्वाचित सबै सांसदलाई पद तथा गोपनीयताको शपथ गराउने कार्यक्रम पनि तय गरिएको छ ।
