काठमाडौं । स्थानीय बजारमा सुनको मूल्य सोमबार पनि घटेको छ । आज सुनको मूल्य प्रतितोला ६ हजार ५०० रुपैयाँले घटेको हो ।
नेपाल सुनचाँदी व्यवसायी महासंघका अनुसार आज सुनको मूल्य प्रतितोला दुई लाख ७५ हजार ५०० रुपैयाँमा कारोबार भइरहेको छ । हिजो आइतबार दुई लाख ८२ हजार रुपैयाँमा कारोबार भएको थियो ।
यस्तै, चाँदीको मूल्य भने तोलामा ११५ रुपैयाँले घटेर प्रतितोला चार हजार ४२५ रुपैयाँ कायम भएको छ । अघिल्लो दिन चार हजार ५४० रुपैयाँ थियो ।
