काठमाडौं । चुनावी पराजयपछि राजीनामा दिएका नेपाली कांग्रेसका सभापति गगनकुमार थापा को राजीनामा पार्टीको केन्द्रीय कार्यसमिति बैठकले अस्वीकार गरेको छ ।
शुक्रबार (चैत ६) बसेको बैठकले थापाको राजीनामा स्वीकार नगर्ने निर्णय गरेको सहमहामन्त्री बहादुर सिंह लामाले जानकारी दिए ।
बैठकमा उपसभापति विश्वप्रकाश शर्माले सात बुँदे प्रस्ताव प्रस्तुत गर्दै सभापतिको राजीनामा अस्वीकृत गर्न सुझाव दिएका थिए, जसलाई कार्यसमितिले अनुमोदन गरेको हो ।
गत फागुन २१ गते सम्पन्न निर्वाचनमा पार्टीसहित आफू पनि पराजित भएपछि थापाले नैतिक जिम्मेवारी लिँदै सभापति पदबाट राजीनामा दिएका थिए । तर, कार्यसमितिको निर्णयसँगै उनी पुनः सभापति पदमै कायम रहने भएका छन् ।
सभापति पदबाट गगनले दिए राजीनामा
