काठमाडौं । पछिल्ला केही दिनदेखि निरन्तर ओरालो लागिरहेको सुनको मूल्य बुधबार (चैत ११) एक्कासि उकालो लागेको छ ।
नेपाल सुनचाँदी व्यवसायी महासंघका अनुसार आज सुनको भाउ प्रतितोला १४ हजार ६०० रुपैयाँले बढेको हो ।
यससँगै सुनको मूल्य तोलामा २ लाख ८८ हजार ५०० रुपैयाँ कायम भएको छ । अघिल्लो दिन भने सुन प्रतितोला २ लाख ७३ हजार ९०० रुपैयाँमा किनबेच भएको थियो ।
यसैगरी, चाँदीको मूल्य पनि बढेको छ । आज चाँदी प्रतितोला ४१५ रुपैयाँले बढेर ४ हजार ९२० रुपैयाँ पुगेको छ । हिजो चाँदी प्रतितोला ४ हजार ५०५ रुपैयाँमा कारोबार भएको थियो ।
