काठमाडौं । बैंकहरूमा अत्यधिक तरलता थुप्रिएपछि नेपाल राष्ट्र बैंकले आज २५ अर्ब रुपैयाँको तरलता निक्षेप संकलनमार्फत खिच्ने निर्णय गरेको छ। यो निक्षेप संकलन ३९ दिनको अवधिका लागि बोलकबोल प्रक्रिया मार्फत हुनेछ।
राष्ट्र बैंकले आज दिउँसो ३ बजे बोलकबोल सञ्चालन हुने जानकारी दिएको छ। यसमा भाग लिन चाहने बैंक र वित्तीय संस्थाले १० करोड रुपैयाँभन्दा कम नभई र ५ करोड रुपैयाँभन्दा बढीमा भाग लगाएर कुल आह्वान रकमसम्म बोलकबोल गर्न सक्नेछन्।
बोलकबोलमार्फत निक्षेप संकलनको ब्याजदर तय हुनेछ भने मूलधन र ब्याज भुक्तानी वैशाख २ गते हुनेछ। यस प्रक्रियामा नेपाल राष्ट्र बैंकबाट इजाजत प्राप्त ‘क’, ‘ख’, र ‘ग’ वर्गका बैंक तथा वित्तीय संस्था सहभागी हुन सक्नेछन्। बहुब्याजदरमा बोलकबोल गर्न पनि अनुमति दिइएको छ।
