काठमाडौं । रास्वपा सभापति रवि लामिछानेमाथि दर्ता गरिएको सम्पत्ति शुद्धीकरण र संगठित अपराधसम्बन्धी अभियोगपत्र संशोधनविरुद्धको मुद्दा आज पनि सर्वोच्च अदालतमा पेसीमा छ ।
अदालत स्रोतका अनुसार मुद्दा ‘हेर्दाहेर्दै’ लामो समय लम्बिँदै आएको छ । दुवै पक्षका बयान सकिसक्दा पनि मुद्दा अझै टुंगो लाग्न बाँकी छ । त्यसैले आज सर्वोच्च अदालतले कुनै न कुनै निर्णय सुनाउने सम्भावना रहेको बताइएको छ ।
यो मुद्दा न्यायाधीश विनोद शर्मा र अब्दुल अजीज मुसलमानको बेञ्चमा विचाराधीन छ ।
अभियोजन संशोधन प्रचलित कानून विपरीत भएको भन्दै अधिवक्ता दिनेश त्रिपाठी, आभास रेग्मी, युवराज पौडेल लगायतले रिट दायर गरेका थिए ।
