काठमाडौं । काठमाडौं महानगरपालिकाले दरबारमार्गस्थित एक व्यवसायीलाई कारबाही गरेको छ । वडा नं. १ अन्तर्गत पर्ने उक्त क्षेत्रमा रहेको पसलबाट म्याट हल्लाएर पेटीमा धुलो झारेको भिडियो सामाजिक सञ्जालमा सार्वजनिक भएपछि महानगर सक्रिय भएको हो ।
उक्त घटनासँग सम्बन्धित पसलका सञ्चालक पङ्कज कुमारलाई महानगर प्रहरी बलले २५ हजार रुपैयाँ जरिवाना तिराएको जनाएको छ । महानगरका अनुसार सरसफाइ सम्बन्धी मापदण्ड उल्लंघन गरेको ठहर गर्दै प्रशासनिक दण्डअन्तर्गत कारबाही गरिएको हो ।
