काठमाडौं । नेपाली बजारमा सुनचाँदीको मूल्य आज उल्लेखनीय रूपमा बढेको छ । आज सुनको मूल्य प्रतितोला ५ हजार रुपैयाँले बढेको हो ।
नेपाल सुनचाँदी व्यवसायी महासंघका अनुसार आज सुनको भाउ प्रतितोला २ लाख ८६ हजार रुपैयाँ पुगेको छ । यसअघि गत शुक्रबार सुन प्रतितोला २ लाख ८१ हजार रुपैयाँमा कारोबार भएको थियो ।
यस्तै, चाँदीको मूल्यमा पनि वृद्धि देखिएको छ । आज चाँदी प्रतितोला ५० रुपैयाँले बढेर ४७ सय २० रुपैयाँ पुगेको छ । गत शुक्रबार चाँदीको मूल्य प्रतितोला ४६ सय ७० रुपैयाँ कायम रहेको थियो ।
