काठमाडौं । मंगलबार शेयर बजारमा सकारात्मक संकेत देखिएको छ । नेपाल स्टक एक्सचेन्ज (नेप्से) परिसूचक १९ दशमलव ७० अंकले बढेर २ हजार ८५१ दशमलव ०९ विन्दुमा पुगेको छो ।

यद्यपि बजार बढे पनि कारोबार रकममा भने कमी आएको छ । आज २ करोड ७९ लाख ४२ हजार ७७९ कित्ता शेयर किनबेच हुँदा ११ अर्ब ११ करोड २४ लाख रुपैयाँ बराबरको कारोबार भएको छ । यसअघि सोमबार १२ अर्ब ९६ करोड ६६ लाख रुपैयाँ बराबरको कारोबार भएको थियो ।

आजको कारोबारमा ३३९ धितोपत्र सहभागी हुँदा १९५ कम्पनीको शेयर मूल्य बढेको छ । ६३ कम्पनीको घट्दा ९ को मूल्य स्थिर रहेको देखिएको छ ।

उपसूचकतर्फ १३ मध्ये ११ समूहमा वृद्धि भएको छ भने २ समूहमा गिरावट आएको छ ।

आज उत्पादन तथा प्रशोधन समूह १ दशमलव ९४, फाइनान्स १ दशमलव १२, होटेल तथा पर्यटन १, बैंकिङ र निर्जीवन बीमाको समान शून्य दशमलव ७६, हाइड्रोपावर शून्य दशमलव ७५, व्यापार शून्य दशमलव ७४, लगानी शून्य दशमलव ५६, जीवन बीमा शून्य दशमलव ५२, माइक्रोफाइनान्स शून्य दशमलव ५१ र विकास बैंक समूहको उपसूचक शून्य दशमलव २१ प्रतिशतले बढेको छ ।

यस्तै अन्य शून्य दशमलव ५५ र म्युचुअल फण्ड समूहको उपसूचक शून्य दशमलव ०७ प्रतिशतले घटेको छ ।

आज ५ कम्पनीको शेयर मूल्यमा सकारात्मक सर्किट लागेको छ । सर्किट लाग्नेमा सुपर खुदी हाइड्रोपावर, रिज लाइन इनर्जी, रिलाइन्स स्पीनिङ मिल्स, होटल फरेष्ट इन र भुजुङ्ग हाइड्रोपावर रहेका छन् ।

यसदिन सप्तकोशी डेभलपमेन्ट बैंक ८ दशमलव ९६, एनआईसी एशिया ब्यालेन्स फण्ड ५ दशमलव ७१, एनआईबीएल ग्रोथ फण्ड ४, रिदी पावर ३ दशमलव २१ र धौलागिरी लघुवित्तको शेयर मूल्य २ दशमलव ८ प्रतिशतले ह्रास आएको छ ।

काठमाडौं । नेपाली बजारमा मंगलबार सुनतथा चाँदीको मूल्य बढेको छ । आज सुनको मूल्य तोलामा ६७ सय रुपैयाँले बढेको हो ।

नेपाल सुनचाँदी व्यवसायी महासंघका अनुसार छापावाल सुनको मूल्य प्रतितोला २ लाख ९० हजार २ सय पुगेको छ । अघिल्लो दिन सोमबार सुन २ लाख ८३ हजार ५ सयमा कारोबार भएको थियो ।

यसैगरी, चाँदीको मूल्य पनि उकालो लागेको छ । आज चाँदी तोलामा १४५ रुपैयाँले बढ्दै प्रतितोला ४ हजार ८४५ रुपैयाँ कायम भएको महासंघले जनाएको छ । सोमबार चाँदी ४ हजार ७०० रुपैयाँमा कारोबार भएको थियो ।

केन्याको रिफ्ट भ्याली क्षेत्रमा पर्ने गिलगिल गाउँ यतिबेला अनौठो तर गम्भीर अवैध गतिविधिका कारण चर्चामा छ। वर्षा मौसम सुरु भएसँगै यहाँका हजारौं कमिलाका गोलाबाट निस्किने झुण्डले प्राकृतिक दृश्य मात्र होइन, अवैध व्यापारको श्रृंखला पनि जन्माएको छ।

यस समयमा भाले र रानी कमिला प्रजननका लागि एकसाथ उड्ने गर्छन्। यही अवसरलाई उपयोग गर्दै स्थानीय मानिसहरूले विशेषगरी रानी कमिलालाई समातेर तस्करहरूलाई बेच्ने गरेका छन्। एक मात्र रानी कमिलाले पूरै नयाँ कोलोनी निर्माण गर्न सक्ने भएकाले यसको अन्तर्राष्ट्रिय बजारमा उच्च माग छ।

विश्वभर फैलिएको यो कालो बजारमा कमिलालाई काँचका बक्समा राखेर पालन गर्ने शौक बढ्दो छ। विशेषगरी ‘बृहत् अफ्रिकी हार्भेस्टर’ प्रजातिको रानी कमिलाको मूल्य अनलाइन बजारमा करिब २२० अमेरिकी डलरसम्म पुग्ने गरेको छ, जुन नेपाली रुपैयाँमा झन्डै ३३ हजार बराबर हुन्छ।

अवैध तस्करीलाई सजिलो बनाउने अर्को कारण यसको प्याकेजिङ हो। साना ट्युब र सिरिन्जमा राखेर पठाइने यी जीवहरूलाई हवाईअड्डाका स्क्यानरहरूले सजिलै पत्ता लगाउन सक्दैनन्। यसै कारण यो व्यापार गोप्य रूपमा तीव्र गतिमा फैलिएको छ।

बीबीसीसँग कुरा गर्दै एक पूर्व बिचौलियाले आफूहरूले बिहान सबेरै खेतमा गएर कमिला समात्ने र शहरमा बसेका विदेशी खरिदकर्तासम्म पुर्‍याउने गरेको खुलासा गरेका छन्। उनका अनुसार विदेशीहरू स्वयं कहिल्यै खेतसम्म पुग्दैनथे।

यो अवैध गतिविधि सार्वजनिक रूपमा तब आयो जब गत वर्ष नैवासा क्षेत्रमा एक गेस्टहाउसबाट करिब पाँच हजार रानी कमिला बरामद गरियो। यस घटनामा संलग्न व्यक्ति बेल्जियम, भियतनाम र केन्याका नागरिक थिए। उनीहरूले कमिलालाई दुई महिनासम्म जीवित राख्न सक्ने तरिकाले प्याक गरेका थिए।

विशेषज्ञहरूका अनुसार यो व्यापार केवल कानुनी समस्या मात्र होइन, वातावरणीय जोखिम पनि हो। पूर्वी अफ्रिकामा पाइने मेसेर सेफालोट्स प्रजातिका यी कमिलाहरू बीउ संकलन गरेर पारिस्थितिकी सन्तुलन कायम गर्न महत्वपूर्ण भूमिका खेल्छन्। यदि यिनको अत्यधिक संकलन गरियो भने स्थानीय वातावरणमा गम्भीर असर पर्न सक्छ।

कीट विज्ञ Dino Martins भन्छन्, “यी कमिलाहरू पारिस्थितिक प्रणालीका आधार हुन्। यिनले घाँस र बिरुवाको पुनरुत्पादनमा ठूलो योगदान पुर्‍याउँछन्।”

चीनका अनुसन्धानकर्ता Zhengyang Wang का अनुसार यो व्यापार अझ खतरनाक हुन सक्छ। उनका अनुसार अन्य देशमा ल्याइएका यस्ता प्रजाति यदि वातावरणमा फैलियो भने कृषि र जैविक विविधतामा ठूलो क्षति पुग्न सक्छ।

शोधले देखाएको छ कि अनलाइन बजारमा हजारौं कोलोनी बिक्री भइरहेका छन्, जसमा धेरैजसो अवैध रूपमा अन्य देशबाट ल्याइएका हुन्छन्। यसले भविष्यमा नयाँ आक्रामक प्रजाति फैलिने जोखिम बढाएको छ।

केन्यामा पनि यसले पारिस्थितिक संकट निम्त्याउन सक्ने चिन्ता बढ्दै गएको छ। रानी कमिलाको अत्यधिक संकलनले पूरै कोलोनी समाप्त हुन सक्छ, जसले प्राकृतिक सन्तुलन बिगार्ने खतरा रहन्छ।

हाल केन्या सरकारले वन्यजन्तु व्यापारलाई व्यवस्थित गर्न नयाँ नीतिहरू ल्याएको छ, जसले कानुनी रूपमा अनुमति लिएर कमिला संकलन र व्यापार गर्न सकिने व्यवस्था गरेको छ। तर अहिलेसम्म कसैले औपचारिक अनुमति नलिएको बताइएको छ।

विशेषज्ञहरू अब अन्तर्राष्ट्रिय स्तरमै यस्तो व्यापारलाई नियन्त्रण गर्न पहल आवश्यक रहेको बताउँछन्। अन्यथा, सानो देखिने यो जीवको व्यापारले ठूलो वातावरणीय संकट निम्त्याउन सक्ने चेतावनी दिइएको छ।

गिलगिलका किसानहरूका लागि भने यो अवसर र जोखिम दुवै बनेको छ। सही व्यवस्थापन भए आम्दानीको स्रोत बन्न सक्छ, तर अव्यवस्थित व्यापारले प्रकृति र भविष्य दुवैलाई संकटमा पार्न सक्छ।

काठमाडौं । साताको दोस्रो कारोबार दिन सोमबार नेपाल स्टक एक्सचेन्ज (नेप्से) परिसूचकमा उल्लेख्य गिरावट देखिएको छ । नेप्से सूचक ४७ दशमलव ७१ अंकले ओरालो लाग्दै २ हजार ८३१ दशमलव ३९ बिन्दुमा झरेको हो ।

यसदिन ३ करोड १६ लाख ६ हजार ७१७ कित्ता शेयर किनबेच हुँदा करिब १२ अर्ब ९६ करोड रुपैयाँ बराबरको कारोबार भएको छ । अघिल्लो दिनको तुलनामा कारोबार रकम पनि घटेको देखिएको छ, आइतबार १५ अर्बभन्दा बढीको कारोबार भएको थियो ।

बजारमा आज अधिकांश कम्पनीहरुको शेयर मूल्य घटेको छ । जम्मा २६ कम्पनीको मूल्य बढ्दा २३७ कम्पनीको घटेको छ भने ५ कम्पनीको मूल्य स्थिर रहेको छ । कुल ३४१ धितोपत्र कारोबारमा सहभागी भएका थिए ।

सबै समूहगत सूचकहरुमा गिरावट आएको छ । यसदिन व्यापार समूह सर्वाधिक २ दशमलव ५६ प्रतिशतले ह्रास आएको छ ।

यस्तै अन्य २ दशमलव १३, फाइनान्स २, हाइड्रोपावर १ दशमलव ९३, बैंकिङ १ दशमलव ८६, निर्जीवन बीमा १ दशमलव ८२, लगानी १ दशमलव ५९, विकास बैंक १ दशमलव २४, होटेल तथा पर्यटन १ दशमलव १८, जीवन बीमा १ दशमलव ४, माइक्रोफाइनान्स १ दशमलव ३, म्युचुअल फण्ड शून्य दशमलव ९८ र उत्पादन तथा प्रशोधन समूहको उपसूचक शून्य दशमलव २१ प्रतिशतले घटेको छ ।

आज ५ कम्पनीको शेयर मूल्यमा सकारात्मक सर्किट लागेको छ । सर्किट लाग्नेमा सुपर खुदी हाइड्रोपावर, रिज लाइन इनर्जी, रिलाइन्स स्पीनिङ मिल्स, होटल फरेष्ट इन र भुजुङ्ग हाइड्रोपावर रहेका छन् । को शेयर मूल्य ९ दशमलव ९८ प्रतिशतले बढेको छ ।

यसदिन सोलु हाइड्रोपावर ७ दशमलव ७९, यूनिक नेपाल लघुवित्त ७ दशमलव २३, सीवाईसी नेपाल लघुवित्त ६ दशमलव ८६, एनआईबीएल ग्रोथ फण्ड ५ दशमलव ५२ र मन्टिप्रोसेस फाइनान्सको शेयर मूल्य ४ दशमलव ९३ प्रतिशतले ह्रास आएको छ ।

पूर्वमन्त्री दीपक खड्का स्वास्थ्य समस्या देखिएपछि अस्पताल भर्ना भएका छन्। सम्पत्ति शुद्धीकरण अनुसन्धान विभागको हिरासतमा रहेका खड्कालाई अहिले त्रिवि शिक्षण अस्पतालमा भर्ना गरिएको विभागका एक अधिकृतले जानकारी दिए।

अनुसन्धान विभागले अदालतबाट ७ दिनको म्याद लिएर उनलाई प्रहरी प्रभाग पुल्चोकमा हिरासतमा राखेको थियो। तर गएराति साढे १२ बजे बान्ता भएपछि अनुसन्धान अधिकृतको समन्वयमा उनलाई प्रारम्भमा नर्भिक अस्पताल लगिएको थियो। लगातार बान्ता हुन थालेपछि नर्भिक अस्पतालले उनलाई थप उपचारका लागि त्रिवि शिक्षण अस्पतालमा रिफर गरेको थियो।

हाल शिक्षण अस्पतालमा उनलाई उपचार भइरहेको छ। सम्पत्ति शुद्धीकरण अनुसन्धान विभागले खड्काविरुद्ध चलिरहेको सम्पत्ति शुद्धीकरण मुद्दामा अनुसन्धान जारी राखेको छ।

काठमाडौं । नेपाली बजारमा सोमबार सुनको मूल्य घटेको छ । आज सुनको मूल्य तोलामा २५ सय रुपैयाँले घटेको हो ।

नेपाली सुनचाँदी व्यवसायी महासंघका अनुसार आज सुन प्रतितोला २ लाख ८३ हजार ५०० रुपैयाँमा कारोबार भइरहेको छ । अघिल्लो दिन २ हजार ८६ हजार रुपैयाँ रहेको थियो ।

चाँदीको मूल्यमा पनि हल्का गिरावट आएको छ । आइतबार प्रतितोला ४ हजार ७२० रुपैयाँ रहेको चाँदी आज २० रुपैयाँले घटेर ४ हजार ७०० रुपैयाँमा बिक्री भइरहेको महासंघले जनाएको छ ।

काठमाडौं, १६ चैत । प्रधानमन्त्री बालेन्द्र शाह (बालेन)ले मन्त्रिपरिषद्को बैठक आह्वान गरेका छन् । उक्त बैठक आज दिउँसो ४ बजे सिंहदरबारस्थित प्रधानमन्त्री तथा मन्त्रिपरिषद्को कार्यालयमा बस्ने तय गरिएको छ ।

काठमाडौं । लुम्बिनी प्रदेशसभा सदस्य रेखा शर्मा बालश्रम र दुव्र्यवहारसम्बन्धी आरोपमा पक्राउ परेकी छन् । उनलाई काठमाडौं उपत्यका अपराध अनुसन्धान कार्यालयको टोलीले सोमबार धुम्बाराही क्षेत्रबाट नियन्त्रणमा लिएको हो ।

प्रहरीका अनुसार एक नाबालिकालाई घरमा राखेर काममा लगाएको तथा शारीरिक दुव्र्यवहार गरेको आरोपपछि अनुसन्धान अघि बढाइएको थियो । यसअघि जिल्ला सरकारी वकिलको कार्यालय, काठमाडौंले मुद्दा नचलाउने रायसहित फाइल अगाडि बढाए पनि उच्च सरकारी वकिल कार्यालय हुँदै महान्यायाधिवक्ताको कार्यालयसम्म पुगेपछि प्रकरणले नयाँ मोड लिएको थियो ।

घटनाबारे जानकारी पाएपछि काठमाडौं महानगरपालिकाको पहलमा नगर प्रहरी, वडाका प्रतिनिधि र नेपाल प्रहरीको संयुक्त टोलीले उक्त घरमा पुगेर मुचुल्का तयार पारेको थियो । सो क्रममा नाबालिकाको उद्धार गरी संरक्षण गृहमा राखिएको थियो ।

महानगरपालिकामा प्रशिक्षार्थी रहेका विद्यार्थीहरूले गरेको सर्वेक्षणका क्रममा उक्त नाबालिका सामुदायिक विद्यालयमा अध्ययनरत भए पनि घरमा काम गर्न बाध्य बनाइएको तथ्य बाहिर आएको थियो । ती बालिकाले आफूलाई लामो समयदेखि घरायसी काममा लगाइएको, कुटपिट समेत हुने गरेको र परिवारसँग सम्पर्कविहीन बनाइएको बताएकी थिइन् ।

बालिकाले झन्डै ६ वर्षदेखि घरमा काम गर्दै आएको, दशैंजस्ता चाडपर्वमा समेत घर जान नपाएको र विभिन्न काम—पोछा लगाउने, खाना पकाउने, बिरुवामा पानी हाल्ने—गराउनुपर्ने अवस्था रहेको बयान दिएकी छन् । उनले घरधनी परिवारबाट हात र पाइपले कुटपिट हुने गरेको आरोप समेत लगाएकी छन् । २०८१ जेठ १४ गते महानगरले ती बालिकालाई उद्दार गरेको थियो ।

नाबालिकाको अवस्था गम्भीर देखिएपछि महानगरपालिकाले सांसद शर्माविरुद्ध प्रहरीमा उजुरी दिएको थियो । साथै, बालिकाका बुबाले छोरीको उद्धारपछि सर्वोच्च अदालतमा बन्दी प्रत्यक्षीकरणको निवेदन समेत दर्ता गरेका छन् ।

हाल प्रहरी हिरासतमा रहेकी शर्मा विरुद्ध थप अनुसन्धान भइरहेको प्रहरीले जनाएको छ ।

काठमाडौं । काठमाडौं जिल्ला अदालतले पूर्वप्रधानमन्त्री केपी शर्मा ओली र पूर्वगृहमन्त्री रमेश लेखकलाई अनुसन्धानका लागि पाँच दिन थुनामा राख्न प्रहरीलाई अनुमति दिएको छ ।

जिल्ला प्रहरी परिसर काठमाडौंका प्रमुख रमेश थापाका अनुसार अदालतले दुवैलाई पाँच–पाँच दिन हिरासतमा राखेर अनुसन्धान अघि बढाउन म्याद दिएको हो । शनिबार बिहान पक्राउ परेका उनीहरूलाई आज आइतबार म्याद थपका लागि अदालत उपस्थित गराइएको थियो ।

यसअघि प्रहरीले १० दिन हिरासतमा राख्न माग गर्दै इजलाससमक्ष निवेदन दर्ता गरेको थियो । भदौ २३ र २४ गते भएको घटनासम्बन्धी जाँचबुझ आयोगले कारबाही सिफारिससहित प्रतिवेदन बुझाएपछि उक्त आधारमा दुवैलाई पक्राउ गरिएको प्रहरीले जनाएको छ ।

सरकारी वकिलले पनि १० दिनको थुनाम्याद माग गर्दै इजलासमा निवेदन पेश गरेका थिए । तर अदालतले प्रारम्भिक चरणका लागि पाँच दिन मात्रै म्याद स्वीकृत गरेको हो ।

पक्राउ परेका ओली स्वास्थ्य समस्याका कारण महाराजगञ्जस्थित शिक्षण अस्पतालमा हिजै भर्ना भएका थिए । उनको इजलासमा उपस्थिति ‘भर्चुअल’ माध्यमबाट गराइएको थियो भने रमेश लेखक सुनुवाइका क्रममा प्रत्यक्ष रूपमा इजलासमा उपस्थित भएका थिए ।

काठमाडौं । साताको पहिलो कारोबार दिन आइतबार नेपाल स्टक एक्सचेन्ज (नेप्से) परिसूचकमा गिरावट देखिएको छ । नेप्से सूचक ७१ दशमलव ०५ अंकले घट्दै २ हजार ८७९ दशमलव ११ विन्दुमा झरेको हो ।

यसदिन ३ करोड ५२ लाख ४८ हजार ३९७ कित्ता शेयर किनबेच हुँदा १५ अर्ब ३ करोड ३३ लाख रुपैयाँ बराबरको कारोबार भएको छ । अघिल्लो कारोबार दिन बिहीबारको तुलनामा कारोबार रकम बढेको देखिन्छ, जहाँ १३ अर्ब १६ करोड २२ लाख रुपैयाँको कारोबार भएको थियो ।

बजारमा आज जम्मा ३३३ धितोपत्र कारोबारमा आएका थिए । तीमध्ये १० कम्पनीको शेयर मूल्य बढ्दा २५५ कम्पनीको घटेको छ भने १ कम्पनीको मूल्य स्थिर रहेको छ ।

समूहगत रुपमा हेर्दा आइतबार सबै उपसूचकहरू ओरालो लागेका छन् । यसदिन फाइनान्स सर्वाधिक ३ दशमलव ३७ प्रतिशतले घटेको छ ।

यस्तै लगानी २ दशमलव ९८, विकास बैंक २ दशमलव ८६, बैंकिङ २ दशमलव ७८, अन्य २ दशमलव ५२, व्यापार २ दशमलव ४८, होटेल तथा पर्यटन र निर्जीवन बीमा समान २ दशमलव २३, हाइड्रोपावर २ दशमलव २१, माइक्रोफाइनान्स २ दशमलव ११, जीवन बीमा २ दशमलव २, उत्पादन तथा प्रशोधन १ दशमलव ०७ र म्युचुअल फण्ड समूहको उपसूचक शून्य दशमलव २८ प्रतिशतले बढेको छ ।

आज ४ कम्पनीको शेयर मूल्यमा सकारात्मक सर्किट लागेको छ । सर्किट लाग्नेमा रिलाइन्स स्पीनिङ मिल्स, सुपर खुदी हाइड्रोपावर रसूर्यकुण्ड हाइड्रो इलेक्ट्रिक रहेका छन् । यस्तै भुजुङ्ग हाइड्रोपावरको शेयर मूल्य ९ दशमलव ९८ प्रतिशतले बढेको छ ।

यसदिन यूनिक नेपाल लघुवित्त ६ दशमलव १७, हिमाल दोलखा हाइड्रोपावर ५ दशमलव ४५, अभियान लघुवित्त र माउण्टेन हाइड्रो नेपालको शेयर मूल्य ५ दशमलव ३७ प्रतिशतले ह्रास आएको छ ।